Lasting memories

Bawat isa ay dapat magkaroon ng oras na magsabi ng “I love you,” o “thank you” sa mga mahal sa buhay. Ngayon pa lang ay ibigay na dapat ang parangal sa mga deserving na individual.  Magpakita ng magandang trato at ipaalam na naa-appreciate ang kanilang ginagawa. At kailan ba ang huling pagkakataon na nagbigay ng bulaklak kay nanay o lola? Kailan din huling nakasalo sa hapunan ang tatay at anak? Madalas ang holiday season ay ang masasayang panahon. Pero minsan ito rin ang pinakamahirap na taon dahil hindi na kasama ang mahal sa buhay. Na-miss na ang mga loved ones na normal na kapiling tuwing holidays.

Paano rin mag-iiwan ng lasting memories sa mga taong mahalaga sa buhay? Sa halip na sa katagang “in memory of?” lalo na ngayon nalalapit na Undas. Walang nakakaalam ng bukas, pero huwag hayaan na kung kailan wala na ang mahal sa buhay ay saka lang mag-aalay ng bulaklak na hindi na maaamoy. Hindi na rin maririnig ang munting pasasalamat o yakap kung sila ay nasa kabilang buhay na. Huwag maghintay kung kailan sila’y wala na sa piling. Kundi samantalahin ang oras sa pagkakataon na makasama ang mahal sa buhay.