Sunshine tameme pa rin sa karelasyon

SCENE: May dalawang restaurants pa si Richard Yap sa isang mall sa Tomas Morato Avenue, Quezon City na nangangailangan ng ingay para puntahan at tangkilikin ng mga kostumer. Nauna nang nagsara ang branch nito sa Tomas Morato.

SEEN: Dramatista si Denise Laurel dahil siya rin ang nagsiwalat sa publiko ng paghihiwalay nila ng kanyang basketball player fiancée na si Sol Mercado. #Sa­NgalanNgPublicity.

SCENE: Ang pananahimik ni Sunshine Cruz sa isyu ng pakikipagrelasyon niya sa lalaki na hiwalay sa asawa at may mga anak dahil anuman ang kanyang sabihin, siguradong may negative comments.

SEEN: Alamat ang working title ng bagong primetime teleserye ng ABS-CBN. Ang Star Creatives ang producer ng teleserye na pagbibidahan ng mga young actor ng Star Magic.

SCENE: Nag-worldwide trending kahapon sa Twitter ang pinakaaabangan na church wedding nina Alden Richards at Maine Mendoza sa kalyeserye ng Eat Bulaga na itinapat sa 7th anniversary show ng It’s Showtime.

SEEN: Sa November 23 ang playdate ng Working Beks ng Viva Films, ang pelikula na may puso at magpapaiyak sa moviegoers.

SCENE: Wala si Chris Martinez sa playdate ng Working Beks dahil isang buwan ang bakasyon niya sa Europe. Aalis siya sa darating na Miyerkoles at babalik sa Pilipinas sa November 27. Si Chris ang direktor ng Working Beks.