Misis inutas sa saksak ni mister
CAMARINES NORTE, Philippines - Humantong sa kamatayan ng 42-anyos na misis ang maling akusasyon matapos itong saksakin ng kanyang selosong mister sa kanilang bahay sa Purok 3, Barangay Manmuntay, bayan ng Basud, Camarines Norte kamakalawa ng madaling araw. Sa isinagawang imbestigasyon, dumating ang senglot na suspek na si Eduardo Espina sa labas ng bahay kung saan galit na nagsisigaw na buksan ang pintuan. Hindi akalain ng biktimang si Lorelyn Espina na may hawak pala ng kutsilyo ang kanyang mister at sa kanyang pagbukas ng pintuan ay agad na sinaksak ito. Nagawa pang maisugod sa Camarines Norte Provincial Hospital subalit idineklarang patay ang biktimang napuruhan sa tiyan. Sa inisyal na imbestigasyon, inakusahan ng suspek na may ibang lalaki ang kanyang asawa kaya ito uminom muna ng alak bago isinagawa ang krimen.
- Latest