Pastor hinuli sa rape
MANILA, Philippines – Hinuli ng mga pulis ang isang 25-anyos na umano ay pastor matapos na ireklamo nang panghahalay ng isang menor de edad na naganap sa Mankayan, Benguet.
Ang suspek na kinilalang si Donald Rey Milar Dela Cruz ay inaresto kamakalawa ng alas-2:55 ng hapon sa operasyon ng pulisya sa Cervantes Road, Poblacion ng bayang ito sa bisa ng warrant of arrest na inisyu ni Judge Sergio Angnganay ng Regional Trial Court (RTC) Branch 64 sa Abatan, Buguias sa kasong rape at wala namang inirekomendang piyansa para sa pansamantala nitong kalayaan.
Hindi na tinukoy sa ulat ang sekta ng relihiyong kinabibilangan ng suspek dahilan sa pakiusap ng mga kasamahan nitong pastor bunga ng makakasira ito sa imahe ng kanilang simbahan.
Nabatid sa reklamo ng biktimang itinago sa pangalang Maricar, pinaniwala umano siya ng suspek na kagustuhan ng Diyos ang kahalayan na ginagawa nito sa kaniya hanggang sa ipagtapat ang insidente sa kaniyang pamilya bunsod upang ipagharap ng asunto ang pastor.
- Latest