Opisina sa cable service nasunog

CEBU, Philippines - Nasunog ang opisina sa cable service provider sa Lawaan III, Dakbayan sa Talisay niadtong Domingo sa gabii.

Ang establisemento gipanag-iya ni Dioscoro Dicomis, 39-anyos.

Si Chief Insp. Randy Mendaros, hepe sa kabomberuhan sa nahisgutang siyudad, nagkanayon nga human sa 25-minutos nga pakigkombati sa kayo, gideklarar kini nga fire out alas 11:59 sa gabii.

Hinuon si Mendaros niingon nga walay naangol sa maong insidente.

Iyang gituohan nga electrical misuse ang hinungdan sa pag-ulbo sa kayo tungod usab sa octopus connection nga ilang nabantayan sulod sa maong edepisyo nianang pagkabuntag.

Gibana-bana nga moabot lang sa P9 mil ang danyos sa maong sunog tungod kay nadali kini sa pagresponde. (BANAT NEWS)