Lola grinipuhan ng adik
CAVITE, Philippines – Patay ang 61-anyos na lola na tumangging magpautang matapos itong saksakin ng sinasabing adik sa droga sa bahay ng matanda sa Barangay New Era Sampaloc sa Dasmariñas City, Cavite kamakalawa ng hapon. Hindi na umabot ng buhay sa ospital ang biktimang si Redinsom Sazon, biyuda at nakatira sa Barangay New Era sa nasabing lungsod. Pormal namang kinasuhan ang suspek na si Eduardo Rabang, 37, ng Camella West sa Barangay Molino, Bacoor City, Cavite. Sa police report na nakarating sa Camp Pantaleon Garcia, nangutang ang suspek sa matanda subalit tumanggi ito kaya nauwi sa mainitang pagtatalo. Nang tumalikod ang biktima ay inundayan ito ng saksak ng suspek saka tumakas kasama ang kanyang ka-live-in. Naaresto naman ang suspek matapos makorner ng mga security guard sa nasabing lugar saka dinala sa himpilan ng pulisya.
- Latest