11 nasampulan sa 1st day ng smoking ban sa Pasay
MANILA, Philippines - Nasa 11 kalalakihan ang nasampulan sa unang araw nang pagpapatupad ng Nationwide Smoking Ban matapos madakip ang mga ito kamakalawa ng hapon sa Pasay City.
Ayon sa report, alas-2:30 kamakalawa ng hapon nang madakip ang mga kalalakihan matapos maaktuhan ang mga ito nang mga nagpapatrolyang mga kagawad ng Pasay City Police na lumabag sa nationwide smoking ban sa Maricaban ng naturang lungsod. Unang nilektsuran ng mga pulis hinggil sa smoking ban at mariing binigyan ng warning ang mga ito.
Matatandaan, na noong buwan ng Mayo 2017, nilagdaan ni Pangulong Rodrigo Duterte bilang batas ang Executive Order No. 26 na magbibigay ng smoke-free environment sa pampubliko at enclosed na lugar.
Kung saan nitong nakaraang Hulyo 23 ang unang araw nang implimentasyon ng naturang batas.
Nabatid na ang sinumang lalabag sa naturang batas ay may magmumulta mula P1,000 hanggang P5,000.
- Latest