Mahigit 2,000 squatters ng QC, ire-relocate na ng NHA

MANILA, Philippines -  Umaabot sa 2,053 mga pamilyang informal settlers sa Quezon City ang handa nang maili-pat ng National Hou-sing Authority (NHA) sa kanilang relocation site sa San Francisco Del Monte sa Bulacan.

Ayon kay Ms Neri Su­bido ng Commercial and Industrial Estates department ng NHA, ang naturang bilang na pamilya na na-qualified na mairelocate sa Bulacan ay na-finalize makaraan ang matinding pagsusuri at pag-aaral sa bawat pamilyang sasakop sa kanilang programa.

Anya, sa mahi­git 4,000 family informal settlers sa QC na na-survey na, ang nag-qualified lamang ay ang 2,053 at hindi nasakop ng programa ang 2,185 families na na-disqualified na ang ilan ay nakatira sa NHA property sa  BIR road at NIA road na ang ilan ay naka-airconditioning pa ang bahay at ang iba ay nagpapaupa pa ng bahay kahit hindi kanila ang lupa.

Sinabi ni Subido na ang bawat beneficia­ry ng relokasyon ay mag­ka­karoon ng bahay na may 40 square meters na lawak,pero may baba­yaran silang P200 kada buwan sa loob ng 3 taon .

Ayon sa NHA, may kabuuang 8,908 families ang informal settlers sa QC na naninirahan sa NHA property.