11 terminal sa Pasay, ipapasara
Nasa 11 pang terminals na nasa EDSA sakop ng Pasay City ang nanganganib na i-padlock ng Metropolitan Manila Development Authority (MMDA) dahil sa nadiskubreng mga paglabag. KIU FADE TEO/File
NATUKLASANg may paglabag
MANILA, Philippines - Nasa 11 pang termi-nals na nasa EDSA sakop ng Pasay City ang nanganganib na i-padlock ng Metropolitan Manila Development Authority (MMDA) dahil sa nadiskubreng mga paglabag.
Sa 11 bus terminals na may mga paglabag, apat dito ang inirekomenda ni Jojo Garcia, chief of staff ni MMDA Chairman Danilo Lim na isyuhan na ng “closure order”.
Ito ay ang Saint Rafael Terminal; Saint. Jude at A. Bragais Terminal; Pamar at Ferdinand Bus Line; at Mark Eves at Fortune Star Terminal.
Sa isinagawang ocular inspection kahapon, napag-alaman na ang apat na terminal ng naturang mga bus company na pawang nagse-share lamang ay walang mga kaukulang business permit.
“We will give these terminals 15 days to produce the necessary permits or we shall be forced to shut them down,” ani Garcia.
Ang inspeksyon ay isinagawa ng MMDA sa pakikipagkoordinasyon sa tanggapan ni Pasay City Mayor Antonio Calixto at sa Land Transportation Franchising and Re-gulatory Board (LTFRB).
Sa kanilang findings, karamihan sa mga terminal ay ang hawak na permit ay para sa garahe lamang ng airport shuttles at mini-buses papuntang Cavite, na nagse-share lamang ang mga ito.
Bukod dito, dahil maliit ang space, sinasakop na aniya ng mga bus ang gilid ng kalsada bilang loading at unloading area ng mga pasahero.
Samantala, ang pitong bus companies na hindi muna tinukoy ay walang mga barangay clearance at nagkaroon ng paglabag sa “nose in, nose out policy”.
- Latest
