8th St. Ignatius V’ball Cup banatan na

CEBU, Philippines - Miabot ngadto sa 10 ka teams ang magtigi sa 8th St. Ignatius Volleyball Cup nga sugdan karong adlawa didto sa  Lux  Oriens  gym  sa   Sacred   Heart School-Ateneo de Cebu sa Barangay Canduman, dakbayan sa Mandaue.

Ang SHS-AdC teams A ug B nasulod sa Bracket A uban sa National Yilan Senior High School sa Taiwan, Don Bosco Technical  College ug St. Cecilia’s College.

Samtang ang Abellana National School, Pit-os NHS, University of Cebu-Banilad, Colegio de la Inmaculada Concepcion-Mandaue ug Immaculate Heart of Mary College maoy naglangkob sa Bracket B.

Moduwa sila ubos sa single round-robin format sa eliminasyon. Ang top 2 magsangka sa crossover semifinals diin ang mga mananaog maoy mag-abot sa kampiyonato ug ang mga pildero  mag-ilog  sa  ikatulong puwesto.

Sa dili pa ang aksiyon, usa ka simpleng seremonyas sa pagbukas ang ipahigayon karong alas-8 sa buntag nga pagatambongan ni SHS-Ateneo High  School  Principal Roberto Galvan.

(BANAT NEWS)