3 ka bag-ong team moapil sa 8th JJ Surplus Cagefest

CEBU, Philippines - Tulo ka bag-ong team, samtang usa ang moduwa og balik sa 8th Conference sa JJ Surplus Ballclub Basketball Tournament 2017 nga  gikatakdang sugdan karong Mayo 27 didto sa GT Academy gym sa Tayud, Lilo-an.

Kini mao ang Northern Gasul ni Rey Tiongson, Ponce Catering ni Camelo Ortiz ug Veneranda Subd. ni Jojo Satuita. Mobalik sab og duwa  ang Pag-utlan ni Titing Aton human mapalta sa miaging conference.

Lain pang mosalmot mao ang E.F Surplus ni  league commissioner Fury Trazona, JJ Surplus  ni club president Henry Agbon,  Galvasteel ni Arnold Labustro, Victorious Eagle ni Danrex Bayonla, Villa Reyna Subdivision ni Joel Camello, YUFO All Star ni Ramon Estole, Gyro Steel ni Lando Mendoza, WD Construction ni Peter Mereve, Domz Auto Parts ni Domz Mercader ug ang Jammers ni Albert Icot.

Mosubay sila og single round robin format diin ang top two teams makabaton og twice-to-beat’ advantage sa quarterfinals batok sa no. 7 ug no. 8.

Ang no. 3 hangtod sa no. 6 magtagakay diin ang modaog moabante sa ‘best-of-three’ semifinals. (BANAT NEWS)