P1.3-M pabuya vs gunmen sa councilor slay

HERMOSA, Bataan, Philippines – Umabot sa P1.3 milyong pabuya ang ibibigay ng mga awtoridad sa sinumang makakapagbigay ng inpormasyon sa pagkakakilanlan ng  apat na gunmen na  pumatay sa municipal councilor noong Biyernes ng tanghali sa Barangay Mambog sa bayan ng Hermosa, Bataan. Pina­ngunahan ni Hermosa Mayor Jopet Inton na magbigay ng P.3 milyong at sinundan naman ni Bataan Governor Albert Garcia na nag-ambag ng P1 milyon pabuya para sa madaliang pagdakip sa gunmen. Matatandaang inabangan ng gunmen si Councilor Danilo Basi habang ito ay papauwi mula sa kanyang farm saka isinagawa ang pamamaslang. Kasalukuyang bineberipika sa kinauukulang ahensya ng pamahalaan ang plaka ng sasakyan ng gunmen na ginamit sa pamamaslang. Jonie Capalaran