Mag-file ng SALN!
MANILA, Philippines - Pinaalalahanan ni Ombudsman Conchita Carpio-Morales ang lahat ng opisyal at empleyado ng gobyerno na mag-file ng kanilang Statement of Assets, Liabilities and Net Worth (SALN) para sa taong 2016.
Ayon kay Ombudsman Morales, kailangang samantalahin na ng mga taga gobyerno ang pagpa-file ng SALN dahil hanggang ?April 30 na lamang ang deadline para rito.
Alinsunod sa umiiral na batas, ang lahat ng public servant sa alinmang ahensiya ng pamahalaan maging sa mga government-owned and controlled corporations at kanilang mga subsidiaries ay kailangang taunang mag-file ng kanilang SALN.
Ang SALN ay deklarasyon under oath ng lahat ng mga ari-arian ng mga taga gobyerno tulad ng lupain, bahay, cash, mga sasakyan, negosyo at financial interests ng isang government official, gayundin sa kanyang asawa at mga anak na wala pang asawa na kasama ng opisyal sa kanilang tahanan.
Sa SALN nalalaman kung ang isang tauhan ng gobyerno ay nagkakamal ng yaman gamit ang kanyang puwesto at kapangyarihan.
- Latest