Hindi Maipaliwanag ng Siyensiya

May mga bagay talagang hindi maipaliwanag ng siyensiya at kukuwestiyunin mo kung isa ba itong himala o kagagawan ng kasamaan.

Isang mummified na katawan ng santa sa Mexico cathedral na sinasabing 300 daan na ang tanda ay bigla umanong nagbukas ng mga mata. Sa nag-viral na video at lumabas na balita sa The Daily Mail, The Sun, The Daily Express, at The Huffington Post makikita nga ang video ni Santa Inocencia na biglang nagbukas ng mata. Ang kumuha ng video ay hindi pinangalanan pero ayon sa kuwento niya, hindi raw niya nakitang nagbukas ang mga mata nito hanggang sa panoorin lang ng kanyang mga kamag-anak ang recorded video sa cell phone.

Ang istorya ay unang lumabas na nai-post ng La Obscura Habitavion. Ayon sa website, nangyari umano ito noon pang Disyembre 12, 2012.

Dalawa naman ang bersyon ng istorya ni Santa Inocencia. Ang isang bersyon ay nagsasabing tinortyur at pinatay ng mga Roman Legionnaires ang isang batang babae sa kasagsagan noong ng Christianity. Ang isang bersyon naman ay pinatay siya ng kanyang Mexican father nang malamang nagpa-convert ito sa Christianity.

Hanggang ngayon ay kumakalat pa rin ang video na ito. May mga nagsasabing edited ito dahil malabo at magalaw ang video pero may mga nagsasabi rin na naghihimala ang santa. Kayo naniniwala ba kayo sa mga himala?

Kayo na ang humusga.