Babaye, lalaki patas na

CEBU, Philippines - Patas na ang lalaki ug babaye karong panahona.

Kini ang gipadayag nilang Major Florianne Reyes sa Philippine Air Force ug Police Senior Insp. Arieza Otida, nag-inusarang babayeng hepe sa Station 8 sa Cebu City Police Office atol sa Kapihan sa PIA sa pagtak-op sa National Women’s Month.

Matud ni Reyes ug Otida nga nahimo silang mga opisyal sa ilang tagsa-tagsa ka natad sa panerbisyo gumikan sa ilang mga ginikanan apan wala kini nila mahayi ug ila na hinoon kini karon nga gihigugma.

Sumala pa ni Reyes nga sa PAF nga gidominar sa kalalakin-an aduna silay patas nga trabaho ug gentleman usab ang ilang kalalakin-an ngadto   nilang mga babaye nga piloto.

Samtang si Otida nibutyag nga dako kaayong hagit kaniya isip nag-inusara nga babayeng hepe tungod kay sila ang pinakadaghan nga nitahan sa Oplan Tukhang.

Ang duha ka opisyal niawhag sa kababayen-an nga dili limitahan ang ilang gusto nga buhaton tungod kay unique sila kay sa mga lalaki. (BANAT NEWS)