Kahalagahan ng Barya

Ipunin ang barya at ilagay sa iyong jar para sa planong pagbabakasyon. Lagyan ng label ang jar ng lugar na pupuntahan tulad ng Batanes, Boracay, o Palawan. Para mahamon na maghulog ng tig-lima o sampung piso kapag nakikita ang bote ng savings.

Kung gusto ng mas malaki ang ipon ay maglagay din ng papel na pera at para mapabilis na makuha ang target na amount.

Saka ipapalit nang buo ang mga coins na naipon kapag napuno na ang alkansiya. Kung ang iba ay ayaw ng barya dahil bumibigat ang pitaka, makatutulong  kung sanayin ang sarili na maghulog ng ekstrang barya sa isang jars.  Hayaan din ang anak na siyang maghulog ng barya. Bukod sa exciting ito sa mata ng bata ay naituturo rin ang pag-iipon at kahalagahan ng isang barya.