Spurs wagi sa Pelicans

NEW ORLEANS – Umiskor si Kawhi Leonard ng 31 points atpumukol si Patty Mills ng dalawang krusyal na tres sa overtime nang igupo ng San Antonio Spurs ang New Orleans Pelicans, 101-98 nitong Biyernes ng gabi

Nagtala si LeMarcus Aldridge ng 21 points at 15 rebounds para sa Spurs.

Ito ang ikaanim na panalo ng Spurs at ipinalasap sa New Orleans ang ikaapat na talo na ‘di kasama si DeMarcus Cousins sa lineup.

Nagtala si Cousins ng 19 points at 23 rebounds ngunit nagmintis sa step-back 3-pointer na sana ay nagtabla ng score.

Nagtala si Anthony Davis ng 29 points habang si Jrue Holiday ay may 26 para sa Pelicans.

Tumapos si Mills ng 15 points at nagdagdag si Pau Gasol ng 13 kabilang ang clutch 3 na nakatulong sa San Antonio na makabangon mula sa five-point deficit sa overtime.

Ang steal ni Leonard sa regulation at sa overtime ang nagligtas sa Spurs.

Sa Phoenix, nagtala si Eric Bledsoe ng 18 points at tinulungan ng Phoenix Suns sa pagdiriwang si broadcaster Al McCoy sa kanyang pagkakaluklok sa Ring of Honor ng koponan sa pamamagitan ng 118-111 panalo kontra saOklahoma City Thunder.

Tumapos si Russell Westbrook ng 48 points, 17 rebounds at nine assists para sa Thunder ngunit ‘di nila nakayanan ang bilis ng Suns.