Rey Builders ‘daog na gyud sa 7th J/J Surplus
CEBU, Philippines - Nakatilaw na gyud og daog ang Rey Builders Depot pinaagi sa pagpilde sa W/D Construction, 66-63 sa J/J Surplus Ballclub 7th Conference basketball tournament niadtong Lunes didto sa GT Academy gym sa Tayud, Lilo-an.
Mismo ang team owner nga si Rey Tiongzon mao gyud ang nangu sa iyang koponan nga mipabuhagay og 24 puntos. Nakakuha sab siya og dakung suporta gikan nilang Sampad ug Suarez nga parehong mitampo’g 14 puntos sa Rey Builders nga nidaog sa labing unang higayon sud sa unom ka duwa.
Mipabuto og 22 puntos si F. Monleon aron pangulohan ang W/D Construction ni Peter Mereve nga adunay 3-4 win-loss record.
Sa laing duwa, ang Union Galvasteel ni Arnold Labustro mibuntog sa Victorious Eagles ni Danrex Bayonla, 68-54.
Sila si Lito Dejarme ug Henry Gestopa nagkumboya’g 25 puntos aron pangulohan ang Galvasteel. Samtang si R. Lascuna mao sab ang nangu sa Victorious sa iyang 13 puntos.
Ang Galvasteel nagbitbit na karon og 6-2 nga baraha, samtang ang Victorious adunay 4-3 ning maong liga nga gipadagan ni league commissioner Fury Trazona inabagan ni technical committee Chang Tejero.
Puntos matag usa
Unang duwa:
REY Builders (66) – Tiongzon 24, Suarez 14, Sampad 14, Talisic 6, Notarion 4, Acabo 2, Villanueva 2.
W/D Const (63) – F. Monleon 22, Jhong 20, Mereve 8, Polgo 6, Monleon 5, Pedere 2.
Ikaduhang duwa:
UNION Galvasteel (68) – Dejarme 13, Gestopa 12, Retiza 7, Mantos 6, Boyles 6, Gellocane 5, Riveral 3, Judaya 2, Labustro 2, Lozano 2, Ravanna 2, Flores 2, Orongan 2, Macasero 2.
Victorious Eagle (54) – R. Lascuna 13, N. Lascuna 6, Belotendos 6, Calas 6, G. Pepito 5, Bayonla 4, Badajos 4, C. Lascuna 2, Calipes 2, Patalot 2, Silorio 2, V. Pepito 2. (BANAT NEWS)
- Latest