Nagkabalasahan sa kampo ng Lakers

LOS ANGELES -- Hinirang si dating NBA superstar Magic Johnson bilang bagong president ng basketball operations ng Los Angeles Lakers sa pagsisimula ng pagbabago sa isa sa pinakamaalamat na prangkisa sa NBA.

Bukod sa pagluluklok kay Johnson, isang Hall of Famer na nagbigay ng limang NBA titles sa Los Angeles noong 1980s, ay sinibak din ni Lakers Governor Jeanie Buss si longtime general manager Mitch Kupchak at kapatid nitong si Jim bilang vice president ng basketball operations.

“I took these actions today to achieve one goal: Everyone associated with the Lakers will now be pulling in the same direction, the direction established by Earvin and myself,” sabi ni Jeanie Buss. “We are determined to get back to competing to win NBA championships again.”

Si Kupchak ay nasa kanyang ika-30 season sa front office ng Lakers, samantalang nagtrabaho si Jim Buss, anak ni da-ting Lakers owner Jerry Buss, noong 1998.

Ang 57-anyos na si Johnson, tinapos ang kanyang 12-year career sa Lakers noong 1991 makaraang magkaroon ng HIV, ay dating mino-rity owner ng koponan matapos magretiro at nagtayo ng mga negosyo kagaya ng movie thea-ters, health clubs at iba pang properties.

Nanguna si Johnson, saglit na nagbalik sa NBA noong 1996, sa pagbili ng grupo sa Los Angeles Dodgers sa Major League Baseball sa halagang $2 bilyon noong 2012.

Binili din ng nasabing grupo ang Los Angeles FC sa Major League Soccer at ang Los Angeles Sparks sa WNBA.

“Since 1979, I’ve been a part of the Laker Nation and I’m passionate about this organization,” sabi ni Johnson. “I will do everything I can to build a winning culture on and off the court.”

Nabigo ang Lakers na makapasok sa postseason matapos masibak sa first round ng 2013 NBA playoffs.

Samantala, pumayag ang Lakers na dalhin si Lou Williams sa Houston Rockets para mahugot si Corey Brewer at isang future draft pick.

Kinumpirma ni Wallace Prather, ang agent ni Brewer, ang naturang trade.

“Thanx for the love L.A., I’ve enjoyed my stay,” sabi ni Williams sa kanyang Twitter.

Pinamunuan ni Williams ang Lakers sa scoring sa kanyang18.6 points per game mula sa bench habang nagtala naman si Brewer ng ave-rage na 4.2 points para sa Rockets.