Tripulante padayong gipangita

CEBU, Philippines - Hangtud niining pagbalita, padayon pang gipangita sa mga awtoridad ang na-missing nga tripulante sa nalunod nga barkong M/V Meridian Tres sa may Canigao Channel nga anaa mahimutang sa tunga-tunga sa isla sa Bohol ug Leyte niadtong miaging adlaw.

Gibutyag sa Coast Guard Eastern Visayas nga wala pa nila igkita ang tripulante nga si Benjamen Orola.

Apan matud ni Philippine Coast Guard Commander Central Visayas, Dionilett Ampil nga adunay nakit-ang patay nga lawas sa usa ka lalaki apan dili pa nila kini mabutyag kun iya ba kini ni Orola kay padayon pang gisusi ilabi na nga adunay bagyo ug basin iya kini sa laing tawo.

Sumala pa ni Ampil, kun aduna na sila’y kasayuran nga iya kini ni Orola, ila kining ipahibalo dayon ilabi na sa pamilya niini.

Dugang ni Ampil nga kagahapon sa buntag ang upat ka crew nga nadala sa Butuan, gisugat na sa tag-iya sa barko nga nalunod. – BANAT NEWS