Tamaraws lalapit sa final four seat

Laro Ngayon

(Smart Araneta

Coliseum)

2 p.m. FEU vs UP

4 p.m. UE vs Adamson

MANILA, Philippines - Patatatagin ng Far Eas­tern University ang kapit sa No. 2 spot para makalapit sa Final Four slot sa pakikipagtipan sa University of the Philippines sa UAAP Sea­son 79 men’s basketball tournament sa Smart Araneta Coliseum.

Hahataw ang Tamaraws laban sa Fighting Marroons ngayong alas-2 ng hapon kasunod ang lao ng University of the East at A­damson University sa alas-4.

Taglay ng FEU ang 7-2 baraha para sa solong ikalawang puwesto, malayo sa pumapangatlong Ateneo de Manila University (5-4) at pang-apat na Adamson University (4-5).

Mataas ang moral ng Ta­­maraws na nakasakay sa six-game winning streak kabilang ang 59-48 panalo laban sa University of Santo Tomas sa kanilang huling la­ro.

Sa kabila ng magandang inilalaro ng Tamaraws ay sinermunan pa rin ni FEU head coach Nash Racela ang kan­yang bataan na min­san aniya ay nagiging kam­pante lalo na at luma­lamang ang koponan ng ma­laki laban sa Growling Tigers sa nasabing panalo.

“We should be concerned about our improvement as a team. We’re now at this tage of the tournament that every team is improving kaya kailangan sabayan namin sila. Pero dahil we’re on a six-game winning streak, baka magkaroon talaga ng complacency,” ani Racela.

“Kaya nire-remind namin sila na we need to work on a lot of things. Kailangan na­ming ayusin ang mga dapat ayusin,” dagdag pa nito.

Muling sasandalan ng FEU sina Monbert Arong at Prince Orizu na siyang na­ngunguna sa scoring at re­boun­ding ng koponan ha­wak ang 11.29 points at 11.0 rebounds kada laro, ayon sa pagkakasunod.

Aarangkada rin sina Ray­mar Jose, Alejandrino Iñigo, Ron Dennison at Richard Escoto.

Umaasa naman ang UP na makakabangon sa ka­nilang kasalukuyang ki­nalalagyan para manati­l­ing buhay ang pag-asa sa pu­wes­to sa Final Four.

Nagawang pahirapan ng Fighting Maroons ang Tamaraws sa kanilang unang pagtatagpo noong Setyembre 25 bago isuko ang 49-51 de­sisyon.

Huhugot ng lakas ang UP kina Paul Desiderio, Jett Manuel, Dave Moralde, Andrew Harris at rookie Javi Go­mez De Liano.

May averages na 17.57 points, 6.86 rebounds at 2.43 assists per game si De­siderio.