Duterte hindi naiugnay sa EJKs, hindi kakasuhan - Gordon
MANILA, Philippines - Walang ebidensiyang nakuha ang Senate committee on justice and human rights na mag-uugnay kay Pangulong Rodrigo Duterte sa extrajudicial killings (EJKs).
Ito ang sinabi kahapon ni Senator Richard Gordon chairman ng komite kaugnay sa posibleng pagsasampa ng kaso sa Pangulo.
Nakatakdang ipalabas ng komite ni Gordon ngayong linggo o bago mag recess ang Kongreso.
Ayon kay Gordon, sa ngayon ay hindi maaaring kasuhan ang Pangulo tungkol sa EJKs dahil hindi naman ito naiugnay sa mga pagpatay.
Inihayag rin ni Gordon na wala rin umanong Davao death squad (DDS) kahit pa inamin ng isa sa mga testigo ng komite na si Edgar Matobato na dati siyang miyembro ng grupo.
Pero aminado si Gordon na maraming patayan na hindi naresolba hindi lamang ngayong administrasyon.
“Lets put it this way para di na tayo malito ha, definitely maraming patayan. To be fair, maraming patayan pa nung araw na hindi na so solve. Yun mas malaking problema, nagiging uso na dahil maingay ang president,” sabi ni Gordon.
Ilalagay din umano ni Gordon sa kanyang report ang pag-admonish kay Duterte dahil sa mga pananalita nito.
“Meron ang statement to that effect cautioning him (Duterte), admonishing him. Meron ganun…of course pag nagsasalita ka ng ganoon (patayan) pwede kang, pagka may nakahuli na ang testimony eh may inutusan ka eh di delikado ka sa ICC (International Court of Justice) talaga,” ani Gordon.
Samantala, kung absuwelto si Duterte, sinabi naman ni Gordon na posibleng makasuhan ng perjury o kahit pa murder si Matobato.
- Latest
