Sikyu kaslonon napriso

CEBU, Philippines - Labihang pagbasol sa usa ka guwardiya nga nagmaoy sa kahubog nga nagpaila nga usa ka polis ug nanggulat pa og polis dihang kini nakamata sulod sa selda sa Balamban Police Station.

Ang guwardiya giila nga si Roger Cortez, 24, taga Barangay Abucayan, Balamban, ug guwardiya sa Tsuneishi Heavy Industries.

Matud ni Police Officer 1 Andie Mabanta, desk officer sa Balamban Police Station, nga gialarma ang guwardiya pasado alas 11 sa nakalabay nga gabii sa may Baywalk sa Barangay Sta. Cruz gumikan sa kahubog ug nagmaoy.

Dihang sila si PO1 Renaldo Contado ug PO1 Rougell Montejo nagpaila nga mga polis, ang guwardiya nagpaila sab nga siya usa ka polis nga nadestino sa Lungsod sa Asturias. Nihulga pa ang guwardiya nga may kaila siya nga opisyal sa polis ug iyang ipalabay sa laing lugar ang mga polis nga nibadlong niya.

Apan dihang naabot na sila sa presinto didto na nahibaw-an sa mga polis nga usa diay kini ka guwardiya.

Naghilak nga gibisita sa iyang hinigugma si Cortez sa prisohan dungan ang pagmahay.

Karong petsa 22 gikatakdang kaslon ang guwardiya ug iyang hinigugma.

Matud ni Mabanta nga makagawas ra si Cortez kung makapiyansa sa kasong direct assault nga ipasaka karong adlawa. (BANAT NEWS)