Ladon, Maamo may tiket na sa Germany

MANILA, Philippines - Pasok na sina lightflyweight Rogen Ladon at flyweight Dannel Maamo sa semifinals ng 2017 World Boxing Championship.

Ito ay nangyari matapos kapwa magwagi ang dalawang Pinoy boxers sa kanilang magkahiwalay na quarterfinal round sa 2017 ASBC Asian Elite Men’s Championship na ginaganap sa Uzbekistan Sports Complex ng Tashkent, Uzbekistan.

Tinalo ng Rio Olympics veteran na si Ladon si Hussein Al Maori ng Syria pagkaraang idiskuwalipika ng referee ang Syrian boxer dahil sa paulit-ulit na d­ucking.

Binigyan na ang S­yrian boxer ng deduction sa ducking sa unang round pa lamang, ngunit inulit uli kaya hininto na ng referee ang laban at idineklarang panalo ang 23-anyos na tubong Bago City.

Ang 20-anyos na si Maamo naman ay nagwagi kontra kay Seneviratne Ban­dara ng Sri Lanka, 5-0 para makapasok sa semifinal round.

Sa malaking panalo ng dalawang miyembro ng national boxing team, na­kakuha na sila ng automatic slots sa World Championships na gaganapin sa Hamburg, Germany nga­yong Agosto.

Ang top six  sa  bawat di­vision ang siyang papa­sok sa naturang world bo­xing championship.

Hindi naman pinalad ang middleweight na si Fe­lix Marcial matapos ma­talo kay local bet Israil Madriimov sa unanimous decision.

Kahit natalo, may tsansa pa ang 21-anyos na si Marcial na umabante kung mananalo siya laban kay Abdul Mouen Aziz ng Syria sa box-off sa  Sabado upang makasungkit ng ticket para sa Hamburg, Germany tourney.