Ambo hataw pa rin sa lakas
MANILA, Philippines - Dahil sa patuloy na paglakas ng bagyong Ambo, dalawang lugar sa Northern Luzon ang isinailalim sa signal no. 1.
Sa pinakahuling weather bulletin ng PAGASA, inilagay sa signal no. 1 ang Batanes Group of Islands at Calayan Island na may lakas ng hanging hindi bababa sa 60 kilometro kada oras.
Ang sentro ng bagyo ay namataan sa 330 kilometro sa silangan-hilagang silangan ng Aparri, Cagayan na may pinakamalakas na hanging 120 km kada oras malapit sa gitna at bugso na 150 km kada oras.
Kumikilos ito pa-hilaga hilagang silangan sa bilis na 13 kph at inaasahang magla-landfall sa 420 km silangan-hilagang silangan ng Basco, Batanes ngayong umaga.
Ayon sa PAGASA, ang tinatayang dami ng ulan ay mula 20-30 millimeters kada oras sa loob ng 400 km diameter ng bagyo.
Inaasahang palalakasin din ni Ambo ang southwest moonsoon o hanging habagat na magdadala ng pag-ulan sa buong bansa, lalo na sa kanluraning bahagi nito.
- Latest
- Trending