Malalaking isda sa taal lake hulihin na-BFAR
MANILA, Philippines - Kasabay ng unang anibersaryo ng malawakang fish kill na naganap sa Taal Lake, ipinag-utos ni Bureau of Fisheries and Aquatic Resources (BFAR) sa mga fish pen operators na anihin ang lahat ng malalaking isda sa lawa sa loob ng 10 araw.
Ayon kay BFAR director Atty. Asis Perez, nais umano nilang maiwasan ang pagkalugi ng lahat ng mga operators fish pen matapos na lumabas sa resulta ng kanilang pagsusuri na patuloy na bumababa ang level dissolved oxygen sa lawa na maaring magdulot ng fish kill.
Sabi ni Perez, lumalabas ang ganitong pagsusuri dahil madalas anyang bumuhos ang ulan na nagiging ugat ng pagbabago ng klima sa lawa mula sa panahon ng tag-init.
Sa ngayon may mga naka-istambay ng mga drum ng BFAR malapit sa lawa ng Taal para paglagyan ng mga isda kung sakaling magkaroon ng fish kill.
Nakaalerto rin ang lokal na pamahalaan ng Talisay, Batangas dahil ayon kay Mayor Zenaida Mendoza, unti-unti na umanong nakakarekober ang mga naapektuhang mangingisda mula sa milyon-milyong pagkalugi at ayaw na nila itong maulit.
Maalalang May 27 hanggang June 2011 ng mangyari ang malawakang fish kill sa nasabing lawa ng Batangas.
- Latest
- Trending
