Economic crisis kaya ng Pinas - GMA
Kayang-kaya umano ng Pilipinas na harapin ang anumang pagsubok na darating dulot ng global economic crsis dahil matatag pa rin ang ekonomiya ng bansa dahil sa mga ipinatupad na economic reforms ng kanyang administrasyon.
“While no one can predict the future during these uncertain global times, it seems that our measures at home are seeing us through the toughest times,” wika ng Pangulo sa kanyang talumpati sa Philippine Business Conference sa Makati City.
Sinabi ng Pangulo na may mga drastiko at minsan ay masasakit na repormang ipinatupad ang kanyang administrasyon subalit ito ang magiging depensa naman ng ating ekonomiya sa katulad nitong global economic crisis.
Kabilang sa sinasabi ni Mrs. Arroyo na drastiko at masakit na repormang ipinatupad ng kanyang administrasyon ay ang Expanded Value Added Tax, bank reforms at ang anti-corruption at anti-smuggling drive.
Aniya, ang Pilipinas ay unti-unti nang nagiging self-reliant dahil sa mga ipinatupad niyang economic reforms at kaya nang pondohan mula sa internal fundings ang mga infrastructure projects na hindi na kailangang umutang pa.
Ipinagmalaki din ni Pangulong Arroyo ang natuklasang langis sa Galoc oil fields sa Palawan kung saan ay nakikita nating magkakaroon na tayo ng energy independence sa loob ng 2 taon.
Wika pa ng chief executive, inaasahang magiging independent na din ang bansa sa pagkain dahil sa reporma sa agrikultura at nakikita niyang magiging rice self-sufficient na tayo pagkatapos ng 2010.
Siniguro din ni Pangulong Arroyo sa local at foreign businessmen na dumalo sa nasabing conference na lalong pag-iibayuhin ng gobyerno ang ekonomiya para maging kaiga-igaya sa mga investors at lalabanan din ang corruption, smuggling sa bansa gayundin ang pagsisiguro sa peace and order ng bansa.
- Latest
- Trending