Oil price hike tuloy sa pagsirit
Sa pagtataya ng Department of Energy, maglalaro sa P0.30 hanggang P0.40 kada litro ang itataas ng presyo ng gasolina habang P0.40 hanggang P0.50 naman ang sa diesel at kerosene. File
MANILA, Philippines — Tuluy-tuloy ang pagtaas sa presyo ng petrolyo sa bansa na ipatutupad ngayong darating na linggo dahil sa patuloy pa ring mataas na presyo ng langis sa internasyunal na merkado.
Sa pagtataya ng Department of Energy (DoE), maglalaro sa P0.30 hanggang P0.40 kada litro ang itataas ng presyo ng gasolina habang P0.40 hanggang P0.50 naman ang sa diesel at kerosene.
Ito na ang ikaapat na sunod na linggong may oil price hike.
Nitong Enero 16, nagpatupad ng P.80 sentimos dagdag presyo sa kada litro ng gasolina at P.55 sentimos sa diesel at kerosene.
Mula Enero 1 hanggang ngayon, P1.75 na ang iminahal ng diesel habang piso sa gasolina dulot ng pagmahal ng imported na produkto.
Bukod pa ito sa oil price hike dahil sa excise tax sa petrolyo sa implementasyon ng TRAIN Law.
Nananatili umano na mataas ang pangangailangan sa petrolyo ng mga bansa sa Kanluran dahil sa malamig na panahon na isa sa dahilan ng pagtaas sa presyo sa world market.
- Latest
