10 NPA sumurender

CAMP NAKAR, LUCENA CITY  , Philippines  — Bunsod ng kahirapan ng buhay sa kabundukan at pagmamalabis ng mga matataas na lider, sampung miyembro ng teroristang New People’s Army ang sumurender at nagbalik-loob sa pamahalaan, kamakalawa. Ayon kay AFP Southern Luzon Command Chief, Lt. Gen. Danilo Pamonag, nagtungo sa kampo ng 901st Infantry Brigade sa Daraga Albay sa pamumuno ni Brig. General Alden Juan Masagka ang mga rebelde at isinuko ang kanilang mga sarili kasama ang tatlong M16 armalite rifle, isang 12 gauge shotgun, isang M79 grenade launcher, isang IED, mga bala, medical kits, at mga subersibong dokumento.  Isasailalim sa debriefing at makakakuha ng tulong mula sa pamahalaan ang mga sumukong sina alyas ‘Erick’, ‘Mando’, ‘Shiela’, ‘Inoy’, ‘Ruzzle’, ‘Lupen’, ‘Tamoy’, ‘Lyka’, ‘Nonoy’, ‘Marie’, at ‘Enchong’.