Ex-Budget usec. pinapaaresto
MANILA, Philippines — Pinaaaresto ng Sandiganbayan 7th Division si dating Budget undersecretary Mario Relampagos matapos na hindi bumalik sa bansa.
Dahil dito kaya si Relampagos ay itinuturing na ng korte na pugante dahil sa mga kinakaharap na kasong plunder, graft at malversation kaugnay pa rin sa pork barrel case na inihain sa Anti-Graft court laban sa dating opisyal.
Matatandaan na si Relampagos ay pinayagan ng Korte na magtungo ng Estados Unidos mula Disyembre 2 hanggang Enero 1 subalit hanggang ngayon ay hindi pa rin siya bumabalik ng bansa.
Bunsod nito kaya iniutos din ng 7th division sa Department of Foreign Affairs (DFA) na kanselahin ang pasaporte ni Relampagos at umpisahan ang proseso ng kanyang extradition.
Kinansela na rin ng Anti-Graft court ang piyansa at travel bond ni Relampagos.
- Latest
