SEC decision sa Rappler, idedepensa sa CA
MANILA, Philippines — Idedepensa ng Securities and Exchange Commission (SEC) sa Court of Appeals (CA) ang kanilang naging desisyon na i-revoke ang registration ng Rappler Inc.
Nanindigan si SEC Chair Teresita Herbosa na “deceptive” at malinaw na paglabag sa Constitution ang kanilang pinagbase-han sa inilabas nilang desisyon.
“We found legal loopholes in the structure of Philippine Depositary Receipts (PDRs) issued by Rappler Inc.’s controlling stockholder, Rappler Holdings Corp. (RHC), to Omidyar Network Fund LLC, an offshore fund created by eBay founder Pierre Omidyar and his wife” ani Herbosa.
Nilinaw din ni Herbosa na maaari lamang umapila sa Court of Appeals ang Rappler at habang hindi pa nagpapalabas ng desisyon ang CA ay maaari pang mag-operate.
Sinabi pa ni Herbosa, hindi lamang siya ang nag-review sa mga dokumento ng Rappler at pumirma sa desisyon, sa halip ay kasama niya ang tatlong SEC Commissioners na sina Antonieta Ibe, Ephyo Luis Amatong at Emilio Aquino.
- Latest
