CHED chair Licuanan nagbitiw

MANILA, Philippines  — Bumaba na sa pwesto ngayong Lunes si Patricia Licuanan bilang chairperson ng Commission on Higher Education (CHED).

Ayon sa mga ulat, inihayag ni Licuanan ang pagbibitiw sa lingguhang flag ceremony sa tanggapan ng CHED sa lungsod ng Quezon.

Napaaga ang pagbaba sa pwesto ni Licuanan na hanggang Hulyo pa sana ang termino.

Aniya nakatanggap siya ng tawag mula sa tanggapan ng executive secretary kaya siya nagbitiw.

"It has become obvious that there are persons determined to get me out of CHED by hurling false and baseless accusations against me," wika ni Licuanan.

Nitong mga nakaraang araw ay pinuna ni Puwersa ng Bayaning Atleta paty-list Rep. Jericho Nograles ang mga umano’y napakaraming biyahe abroad ni Licuanan.

Pinabulaan naman ito ni Licuanan at nagpakita ng travel authorities na aprubado ng Malacañang.

Sinabi ni Licuanan na lima sa kaniyang walong biyahe nitong 2017 ay sinagot ng gobyerno.

"Although I vehemently deny the allegations against me, it is time to resign as my continued presence in CHED is inimical to the interest of the institution. It will only serve as a lightning rod that will attract more controversies in the agency," sabi ni Licuanan.