Barker kalaboso sa pagmumura sa lady prosecutor
MANILA, Philippines — Swak sa selda ang isang barker ng pampasaherong dyip nang tapikin at pagsalitan ng masasama ang isang lady prosecutor sa Sta. Cruz, Maynila, Sabado ng umaga.
Nahaharap sa reklamong unjust vexation ang barker na si Ma. Theresa Tolentino, 55 anyos, residente ng Isagani st., Tondo.
Sa salaysay ni Manila City Prosecutor Ma. Josefina Concepcion, ng Isarog St., Paang Bundok, Quezon City, sa pagitan ng alas-10 hanggang alas-11:00 ng umaga nang maganap ang insidente.
Papasakay ng pampasaherong dyip ang prosecutor kasama ang anak na babae sa panulukan ng Blumentritt at Isagani Sts., sa Sta. Cruz nang aksidenteng matapik umano ni Tolentino ang ginang subalit sa halip na humingi ng pasensiya ay masasamang salita pa ang pinakawalan nito na ikinapahiya ng biktima.
Dahil dito, nagsuplong si Concepcion sa Blumentritt-Police Community Precinct (PCP) dahilan upang arestuhin si Tolentino.
- Latest