2 hitmen, recruiter ng NPA rebs timbog
MANILA, Philippines — Nasakote ng mga elemento ng militar ang dalawang hitmen at isang recruiter ng mga teroristang New People’s Army (NPA) sa ope-rasyon sa Magpet, North Cotabato kamakalawa.
Kinilala ni 1st Lt. Silver Belvis, Civil Military Operation (CMO) Officer ng Army’s 9th Infantry Battalion (IB) ang mga nasakote na sina Harold Adiaton alyas “Ka Dodong”, Ian Solis alyas “Iyan”, pawang aktibong kasapi ng Special Partisan Unit (SPARU) at hitmen ng NPA Guerilla Front (GF) 53, Southen Mindanao Regional Committee at Dandan Mailan Andas alyas “Odong” , recruiter ng rebeldeng komunista.
Si Dodong ay nasakote sa bisa ng warrant of arrest sa kasong frustrated murder habang si Solis ay sa kasong illegal possession of firearms and ammunition. Nasakote naman si Andas sa kasong frustrated murder.
Base sa imbestigasyon, si Dandan ay kila-lang recruiter ng communist movement at mi-yembro ng Kangaroo Court.
Sa tala ng militar ang dalawang SPARU ay sangkot sa pamamaslang kina Mr. Weneger, isang negosyanteng Swiss-Filipino na pinagbabaril sa Kidapawan City noong 2012, Bantito Abanilla, tinodas sa loob ng isang Simbahang Katoliko sa Arakan noong Pebrero 7, 2016, Sgt. Florentino, Councilor Valeriano Birondo, Bebs Quino, Mark Cervania, TSg. Galupon, at Lt. Col. Harold Argamosa.
- Latest
