Singil sa kuryente bababa ngayong Enero
Sa kalatas ng Meralco, inianunsyo nitong bababa ng P0.5260 kada kilowatt hour (kwh) ang singil nila sa kuryente ngayong Enero dahil na rin umano sa pagbaba ng generation charge ng P0.5277 per kwh o halaga ng kuryenteng binibili ng Meralco sa mga power producer.
MANILA, Philippines — Bababa ang singil sa kuryente ng Manila Electric Company (Meralco) ngayong buwan ng Enero, 2018.
Sa kalatas ng Meralco, inianunsyo nitong bababa ng P0.5260 kada kilowatt hour (kwh) ang singil nila sa kuryente ngayong Enero dahil na rin umano sa pagbaba ng generation charge ng P0.5277 per kwh o halaga ng kuryenteng binibili ng Meralco sa mga power producer.
Dahil naman sa naturang bawas-singil, bumaba rin ang overall rate ng Meralco sa P8.7227 per kwh na lamang mula sa dating P9.2487 per kwh noong Disyembre.
Nangangahulugan ito na ang isang typical residential customer na kumukonsumo ng 200 kwh kada buwan ay makakaranas ng rate decrease na P105 sa kanilang total bill.
Nabatid na ito na ang pangalawang sunod na buwan na bumaba ang singil ng Meralco.
Matatandaang una nang nagbaba ng 38 sentimong singil sa kuryente ang Meralco noong Disyembre 2017 dahil sa mas mababang presyo ng kuryente.
Gayunman, sa susunod na buwan ay inaasahang magkakaroon din ng dagdag-singil sa kuryente dahil sa pagpapatupad ng bagong buwis.
- Latest
