'Agaton' lumakas pa habang papalabas ng Pinas
MANILA, Philippines — Lumakas pa ang bagyong “Agaton” habang papalabas ng bansa, ayon sa state weather bureau ngayong Miyerkules ng umaga.
Huling namataan ng PAGASA ang kauna-unahang bagyo ngayong taon sa 390 kilometro kanluran hilaga-kanluran ng Puerto Princesa City, Palawan kaninang alas-10 ng umaga.
Taglay ni Agaton ang lakas na 65 kilometers per hour at bugsong aabot sa 80 kph, habang gumagalaw sa bilis na 25 kph.
Inaasahang lalabas sa Philippine Area of Responsibility ang bagyo ngayong hapon o mamayang gabi.
Dalawang katao ang nasawi sa pananalasa ni Agaton sa Kabisayaan.
Anim na beses tumama sa kalupaan ang bagyo.
- Latest