Communication, info campaign ng PCOO, pinalakas
MANILA, Philippines — Tuloy ang pagpapalakas ng communications program at information campaign ng Presidential Communications Operations Office.
Lumagda sa Memorandum of Cooperation ang PCOO sa pangunguna ni Presidential Communications Sec. Martin Andanar sa kanilang counterpart na Ministry of Information ng Kingdom of Cambodia.
Layon ng kooperasyon na makipagpalitan ng mga impormasyon at multi-media materials ang PCOO kabilang ang mga balita, radio at television programs tulad ng drama, documentaries, children’s program, political, economic at social and cultural aspect ng dalawang bansa.
Maliban dito, napagkasunduan din ng dalawang bansa na magkaroon ng palitan ng inter-personnel skills kabilang ang mass media representatives, technical personal, interpersonal communications, public relations experts, administrative managers, writers, radio and television broadcasters at print media journalists.
Magkakaroon din ang dalawang bansa ng mga joint ventures at joint productions trainings, workshops at seminars.
Kasamang lumagda ni Andanar sina Undersecretary George Apacible, Undersecretary Noel Puyat at Ambassador Christopher B Montero habang kabilang naman sa panig ng Cambodia sina his Excellency Dr Khieu Kanharith Undersecretary’s of Ministry of Information, Mr. Ly Vannhong at Mr. Ouk Kimseng at 14 pang Ministry Information delegates.
- Latest
