‘Urduja’ tumama sa Palawan
MANILA, Philippines — Binayo ng bagyong Urduja ang lalawigan ng Palawan ngayong Lunes ng umaga matapos manalasas sa Eastern Visayas nitong weekend.
Sinabi ng PAGASA na nag-landfall ang bagyo sa bayan ng Taytay kaninang umaga taglay ang lakas na 55 kilometers per hour at bugsong umabot sa 90 kph.
Tanging ang Palawan na lamang ang nasa ilalim ng tropical storm warning signal number 1.
Gumalagaw pa-kanluran ang bagyo sa bilis na 18 kph at inaasaahan ang paglabas nito sa Philippine area of responsibility (PAR) bukas.
Umabot na sa 26 katao ang iniwang patay ng bagyo, habang 23 ang naitalang nawawala.
Samantala, isa na lamang low pressure area ang sama ng panahon na binabatanyan din ng state weather bureau sa labas ng PAR.
- Latest