Palasyo: Walang Christmas ceasefire sa NPA

MANILA, Philippines — Tiniyak ng Palasyo na hindi magdedeklara ng suspension of military operations (SOMO) sa New People’s Army (NPA) ngayong Kapaskuhan.

Sinabi ni Presidential Spokesperson Harry Roque na notoryus ang NPA at Communist Party of the Philippines (CPP) sa mga pag-atake sa kabila ng ipinatupad na ceasefire ng gobyerno.

Ani Roque, nakahan­da ang mga tropa ng gobyerno sa mga pag-atake ng NPA.

“Our defenders would not stand down as there has been call on the other side to launch offensives against state forces,” dagdag ni Roque.

Nauna nang idineklara ni Pangulong Duterte ang NPA bilang teroristang grupo.