Obrero arestado sa pambubugbog
MANILA, Philippines — Bagsak-selda ang isang 25-anyos na construction worker makaraang ireklamo sa pulisya ng kapatid nitong babae dahil umano sa pambubugbog sa kanya at sa huli’y mahulihan pa ng marijuana kamakalawa sa Caloocan City.
Himas-rehas ngayon sa Caloocan City police ang suspek na si Wadsworht Labesig, 25, ng Phase 4, Package 4, Blk 2, Lt 10, Brgy. 176, Bagong Silang ng naturang siyudad.
Base sa ulat, humingi ng tulong sa tanggapan ng Women’s and Children Protection Desk ang biktimang si Judyann Vertudazo hinggil ginawang panggugulpi sa kanya ng suspek alas-3:30 ng hapon sa naturang lugar.
Mabilis namang rumesponde ang mga pulis sa lugar upang imbitahan sa himpilan ang suspek at nang kanila itong kapkapan ay nakita nila mula sa bulsa nito ang isang plastic sachet na naglalaman ng pinatuyong dahon ng marijuana.
Kaagad na dinakip ng mga pulis ang nasabing suspek.
- Latest
