Mangingisda nagbigti sa ‘di matukoy na sakit
TUGUEGARAO CITY, Cagayan, Philippines — Minabuting tapusin na lang ng isang 51-anyos na mangingisda ang sariling buhay sa pamamagitan ng pagbibigti nang mabigong malaman kung ano ang kanyang iniindang sakit sa kabila ng iba’t-ibang pagpapasuring ginawa sa doktor sa Brgy Davila, Pasuquin, Ilocos Norte kamakalawa.
Kinilala ni Chief Insp. Dexter Corpuz, tagapagsalita ng Ilocos norte PNP ang biktima na si Ramon Villanueva na residente rin ng nasabing lugar.
Ayon kay Corpuz, natagpuan ng mga kanayon si Villanueva sa loob ng isang piggery na nakabitin at lawit pa ang dila dakong alas alas 6:00 ng umaga.
Ayon sa mga kaanak, malaki ang hinala ng biktima na siya ay kinulam dahil sa kabila ng kanyang pag kunsulta sa iba’t-ibang doktor ay hindi pa rin nagagamot ang sari-saring pananakit na nadarama nito sa katawan hanggang nagpasya na itong magpakamatay na lang.
- Latest
