NBI pasok sa imbestigasyon sa mag-inang pinatay sa Cavite
MANILA, Philippines — Iniutos ni Justice Secretary Vitaliano Aguirre II sa National Bureau of Investigation (NBI) na magsagawa ng parallel investigation kaugnay ng pagpatay sa mag-inang Ruby at Shaniah Nicole Gamos ng General Trias Cavite. Base sa nilagdaang department order, gusto ni Aguirre na palakasin ng NBI ang case build-up, tuntunin at papanagutin ang mga nasa likod ng karumal-dumal na krimen.
Matatandaan na noong Lunes ay natagpuang wala ng buhay sa loob ng kanilang bahay sa Keningsone, Brgy. Navarro sa General Trias Cavite ang mag-inang sina Ruby Gamos, 34-anyos at ang 7-taong gulang na anak na si Shaniah Nicole.
Sa awtopsiya, namatay ang ina dahil sa traumatic injuries sa ulo habang asphyxia by suffocation naman ang ikinamatay ng bata na pinaniniwalaang dinaganan ng unan sa mukha. Tinitignang motibo sa krimen ang pagnanakaw dahil nawawala ang cellphone at alahas ng mga biktima habang natagpuan na sa tapat ng isang sementeryo sa Imus, Cavite ang pulang Toyota wigo ng pamilya Gamos.
- Latest