Aquino ipinagtanggol ni JV
“Personally, I think P-Noy did it in good faith, to avert dengue outbreak in the future,” sabi ni Ejercito. Pero ang ibang opisyal aniya ang posibleng nagsamantala sa sitwasyon at hindi binigyan ng malalimang report ang dating Pangulo kabilang na ang mga panganib na maaaring idulot ng nasabing dengue vaccine kung meron man. Philstar.com/AJ Bolando, File
MANILA, Philippines — Nakakuha ng kakampi mula sa Senado si dating Pangulong Benigno Aquino III tungkol sa pagbili ng Department of Health (DOH) ng P3.5 bilyong Dengvaxia vaccine noong siya ang pangulo ng bansa.
Ayon kay Senator JV Ejercito, base sa personal niyang paniniwala, “in good faith” ang naging desisyon ng Pangulo para maiwasan ang outbreak ng dengue sa hinaharap.
“Personally, I think P-Noy did it in good faith, to avert dengue outbreak in the future,” sabi ni Ejercito. Pero ang ibang opisyal aniya ang posibleng nagsamantala sa sitwasyon at hindi binigyan ng malalimang report ang dating Pangulo kabilang na ang mga panganib na maaaring idulot ng nasabing dengue vaccine kung meron man.
Ipinunto ni Ejercito na ang mga Pangulo ng bansa ay kalimitang umaasa sa kanilang mga secretaries o pinuno ng mga ahensiya sa mga impormasyon tungkol sa mahahalagang isyu.
Kahit sinong presidente aniya ay mag-iisip na ginawa ang lahat kabilang na ang mga clinical test at nasunod ng mahigpit ang mga protocols.
“Presidents rely on their Secretaries or heads of agencies for information on every important issue. A President would presume that the due diligence was done, that clinical tests were likewise completed and strict protocols were followed,” sabi ni Ejercito.
Posible rin aniyang “misinformed” ang Pangulo tungkol sa isyu ng dengue vaccine.
- Latest
