Bato bibigyan ng puwesto ni Duterte
MANILA, Philippines — Mahigit isang buwan bago ang kanyang pagreretiro, inianunsyo kahapon ni Philippine National Police (PNP) Chief P/Director General Ronald “Bato “ dela Rosa na bibigyan siya ng puwesto sa gobyerno ni Pangulong Rodrigo Duterte.
Gayunman, tumanggi muna si dela Rosa na ianun- syo ang posisyong kanyang hahawakan kapag nagretiro na siya bilang PNP chief.
Si dela Rosa, produkto ng Philippine Military Aca-demy (PMA) Sinagtala Class 1986 ay nakatakda nang magretiro sa Enero 21 ng susunod na taon sa pagsapit nito sa mandatory age retirement sa gulang na 56.
“Sinabihan ako ni Presidente kung ano pupuntahan ko pero napakahirap na trabaho nyan. Everyone failed in that agency. Bahala na kayo mag-isip,” pahayag ni dela Rosa na sinabing matindi ang hamon na kaniyang haharapin sa panibagong puwestong inilaan sa kaniya ni Pangulong Duterte.
“Basta masuhol,” ani dela Rosa kung saan tutuldukan niya ang korapsyon sa ahensya na kanyang hahawakan.
Sinabi ni dela Rosa na sinabihan siya ni Pangulong Duterte na wakasan ang korapsyon sa nasabing ahensya na malapit na siyang maging susunod na pinuno.
- Latest