2,000 sundalo idineploy sa Mindanao vs NPA

MANILA, Philippines — Apat na batalyon pa o kabuuang 2,000 mga sundalo ang idineploy sa Eastern Mindanao kaugnay ng ipinag-utos na opensiba upang durugin ang grupo ng mga teroristang New People’s Army (NPA) na namumugad sa lugar. 

Kasunod ito sa deklarasyon ni Pangulong Rodrigo Duterte na terrorist group ang NPA.

Ayon kay Major Ezra Balagtey, spokesman ng AFP-Eastern Mindanao Command na kabilang sa ideneploy ay ang da-lawang bagong tatag na Army Battalion. Ang mga dating naka-deploy sa Marawi City na sumupil sa rebelyon sa lugar ay ipinadala na rin sa kanilang hurisdiksyon.

Kabilang sa mga bagong tatag na hukbo ay ang Army’s 88th at 89th Infantry Battalion (IB) na binubuo ng mga bagong recruit na mga sundalo na itinalaga sa AFP Eastmincom na pinamumunuan ni Lt. Gen. Benjamin Madrigal. Samantalang ang dalawa pa ay ang Army’s 15^th IB at 2^nd Scout Ranger Battalion; pawang mga da-ting nakadeploy sa Marawi City na dumanas ng limang buwang siege na inilunsad ng mga teroristang Maute-ISIS (Islamic State of Iraq and Syria).

 “I think this (Eastern Mindanao) is now the priority area of the AFP as far as NPA terrorist is concerned,” pahayag ni Balagtey.

“Because this seemed to the last frontier of the NPA, Eastern Mindanao and more than 50 percent of NPA in Min­danao are here within the Eastmincom (jurisdiction),” anang opisyal.

Nabatid na nasa 45% naman ang kabuuang puwersa ng NPA terrorists o nasa mahigit 1,900 ang bilang ay namumugad sa hurisdiksyon ng AFP–Eastmincom.

Inaasahang magda­ragdag pa ng mga ba­tal­­yon ng sundalo sa AFP-East­mincom na inianunsyo ni AFP Chief of Staff Gen. Rey Leonardo Guerrero.