Sereno tiyak mai-impeach
Chief Justice Maria Lourdes Sereno. Efigenio Toledo IV/Philstar.com, File
MANILA, Philippines — Dahil sa mabigat umano na basehan ng reklamo laban kay Supreme Court (SC) Chief Justice Maria Lourdes Sereno kaya tiyak na mai-impeach na siya sa Kamara.
Ayon kay Alvarez, labis-labis ang probable cause sa impeachment complaint na inihain ni Atty. Larry Gadon.
Ito ay dahil mabigat umano ang testimonya ng mga mahistrado at opisyal ng Korte Suprema laban kay Sereno na hindi nakokontra ng Punong Mahistrado dahil sa hindi niya pagharap.
Mayroon umanong presumption of credibility ang mga taga Korte Suprema na matapang na humarap sa impeachment hearing hindi tulad ni Sereno na takot humarap sa katotohanan.
Paliwanag pa ni Speaker na ang bintang na treason ni Justice Francis Jardeleza kay Sereno ay swak na swak sa betrayal of public trust.
Iginiit pa ni Alvarez, na hindi nito pinangungunahan ang Justice committee subalit inaasahan niyang matatapos ang impeachment hearing sa Enero at maiaakyat ang articles of impeachment sa Senado.
- Latest
