P1M multa sa bus drivers
Sinabi ni House Metro Manila Development Committee chairman Winston Castelo, na isa sa mga dahilan ng pagsisikip ng daloy ng trapiko sa lansangan ay bunsod sa pagbababa at pagsasakay ng mga bus driver sa “no loading and unloading”. File
Pasaway sa ‘loading, unloading’ ng mga pasahero
MANILA, Philippines — Isinusulong sa Kamara ng isang kongresista na itaas sa P1 milyon ang multa ng mga bus drivers na nagbababa at nagsasakay ng mga pasahero sa hindi tamang lugar.
Sinabi ni House Metro Manila Development Committee chairman Winston Castelo, na isa sa mga dahilan ng pagsisikip ng daloy ng trapiko sa lansangan ay bunsod sa pagbababa at pagsasakay ng mga bus driver sa “no loading and unloading”.
Sa panukala ni Castelo, itataas sa kalahating milyon ang multa ng mga ganitong walang disiplinang bus drivers sa first offense at itataas ito sa P1 milyon para sa second offense.
Kung umulit pa sa pangatlong pagkakataon ay kakanselahin na ang prangkisa ng bus.
Sinabi pa ng kongresista na kailangang maturuan ng leksyon ang mga pasaway na bus driver para hindi na lumala pa ang sitwasyon sa lansangan lalo na rito sa Metro Manila.
- Latest
