Impeach hearing vs Sereno tatapusin ngayon
MANILA, Philippines — Para maratipikahan na ang P3.767 trillion General Appropriation Bill (GAB), Tax Reform for Acceleration and Inclusion (TRAIN) gayundin ang posibleng extension sa Martial Law sa Mindanao, posibleng tapusin na ngayong araw ang impeachment hearing laban kay Supreme Court (SC) Chief Justice Maria Lourdes Sereno.
Ayon kay Oriental Mindoro Rep. Reynaldo Umali, chairman ng House Committee on Justice, na maaaring ito na ang huling pagdinig ng impeachment case ni Sereno at muli na lang magpapatuloy sa Enero 2018.
Paliwanag ni Umali ito ay dahil kailangan ng ratipikahan ng Kongreso ang national budget para sa susunod na taon, ang TRAIN at ang posibilidad na magkaroon ng joint session dahil sa extension ng martial law sa Mindanao.
Giit pa ng kongresista na marami ngayong legislative commitment na importante rin katulad ng impeachment proceedings sa ngayon kaya maaari nilang ikansela ang hearings sa Martes o Miyerkules.
Nakatakda namang mag-Christmas break ang Kongreso sa Disyembre 13 at muling magre-resume ang sesyon sa Enero.
- Latest