Anak ni Napoles absuwelto
Inakusahan si Jeane Napoles ng hindi pagbabayad ng income taxes mula 2011 hanggang 2012 sa umano’y pagmamay-ari nitong P54.73 million Ritz Carlton condominium unit sa Los Angeles, California, at pagiging co-ownership ng P1.49-million farm lots sa Pangasinan. File
P17-M tax evasion
MANILA, Philippines — Inabsuwelto ng Court of Tax Appeals (CTA) Third Division sa P17-million tax evasion case si Jeane Catherine Napoles, anak ng umano’y pork barrel scam mastermind na si Janet Lim-Napoles.
Batay sa Dec. 6 resolution, na hawak ng abogado ni Jeane na si Atty. Ian Encarnacion, nagdesisyon ang CTA na i-dismiss ang criminal cases numbers O-452 at O-453 dahil na rin sa “insufficiency of evidence.”
Inakusahan si Jeane ng hindi pagbabayad ng income taxes mula 2011 hanggang 2012 sa umano’y pagmamay-ari nitong P54.73 million Ritz Carlton condominium unit sa Los Angeles, California, at pagiging co-ownership ng P1.49-million farm lots sa Pangasinan.
Paliwanag ni Jeane, estudyante lamang siya at walang trabaho. Regalo lamang sa kanya ang nasabing property.
“The prosecution failed to prove that there is any income tax due from accused, creating reasonable doubt as to the guilt of accused,” nakasaad sa 17-page resolution.
Bukod dito, hindi sapat ang ebidensiya na iniharap ng prosecution upang makulong si Jeane.
Si Associate Justices Lovell Bautista ang nagponente ng resolusyon kasama sina Associate Justices Esperanza Fabon-Victorino and Ma. Belen Ringpis-Liban.
- Latest
