Jinggoy humirit ng Hong Kong vacation
MANILA, Philippines — Halos tatlong buwan mula nang mabigyan ng pansamantalang kalayaan, nagpaalam sa korte si dating Sen. Jinggoy Estrada na makalabas ng bansa ngayong Christmas season.
Naghain ng mosyon si Estrada sa Fifth Division ng Sandiganbayan upang ipaalam ang biyahe nila ng kaniyang pamilya patungong Hong Kong mula Disyembre 26 hanggang 31.
“After accused-movant was allowed bail, the family have been longing for bonding outside of the country. The Christmas holidays would be the most opportune time to have this,” nakasaad sa hirit ng dating senador.
Sinabi ni Estrada na ibibigay niya ang buong detalye ng kaniyang biyahe kapag pinayagan na siya ng korte.
Aniya matagal na niyang pangako sa kaniyang pamilya ang makapag holiday trip.
May nakalabas na hold departure order ang korte laban kay Estrada dahil sa kaniyang kaso kaugnay ng umano’y maanomalyang paggamit ng Priority Development Assistance Fund o pork barrel.
- Latest